پاکستان میں اقوام متحدہ کا کردار

گورننس، معاشی ترقی اور بہتر کام:  پاکستانی عوام کو 2022 تک اپنے حقوق کےبارے میں وسیع تر علم حاصل ہوجائے نیز جوابدہ، شفاف اور موثرگورننس( نظم و نسق) کے نظام اور قانون کی حکمرانی کے اداروں تک بہتر رسائی بھی حاصل ہو جائے ۔

غذائیت، صحت و صفائی اور پانی تک رسائی: بچوں، نوجوان لڑکیوں اور لڑکوں، حاملہ اور دودھ پلانے والی خواتین، بوڑھوں اور معذور افراد کے لیے خوراک کی مقدار، کھانا کھلانے اور دیکھ بھال کے طریقوں کو 2022 تک بہتر بنایاجائے  جس کے نتیجے میں غذائیت کی صورت حال بہترہوجائے جبکہ نشوونما اور غذائیت کی کمی کی دیگر اقسام پر بھی قابو پایا جائے ۔پاکستان کے لوگوں خاص طورپر سب سے زیادہ مسائل کے شکار اور پسماندہ عوام کو 2022 تک عالمی صحت کی بہتر سہولیات سمیت  جنسی اور تولیدی صحت اورصحت و صفائی اور پانی تک رسائی کی مساوی خدمات حاصل ہوجائیں اور وہ اس سے فائدہ اٹھائیں۔

غذائی تحفظ اور پائیدار زراعت: پاکستان کے لوگوں خاص طور پر سب سے زیادہ مسائل کے شکار اور پسماندہ آبادیاں کو2022 تک محفوظ، غذائیت سے بھرپور اور وافر خوراک دستیاب ہوجائے جبکہ غربت کے خاتمے کے حصول کے لیے پائیدار زراعت کو فروغ دیا جائے۔

مشکل حالات سے مقابلہ کی قوت: قدرتی اور دیگر آفات سے نمٹنے سمیت موسمیاتی تبدیلیوں کا مقابلہ  کرنے کےلیے اقدامات کیے جائیں۔ ثقافتی اور قدرتی وسائل کے پائیدار انتظام کے ذریعے2022 تک پاکستان کے لوگوں خصوصاً اہم آبادیوں کی مقابلے کی قوت میں اضافہ کیا جائے ۔

تعلیم کے مواقع: بچوں اور نوجوانوں کو 2022 تک معیاری تعلیم کے مواقع تک وسیع تر،مساوی اور جامع رسائی حاصل ہوجائے اوروہ  ان سے پھرپورفائدہ اٹھائیں ۔

سماجی تحفظ، صنفی مساوات اور عزت و وقار: تمام لوگوں خاص طورپر مسائل کی شکار اور پسماندہ آبادیوں کو2022 تک بہتر اور موثر سماجی تحفظ کے نظام دستیاب ہوجائیں۔ 2022 تک صنفی مساوات کی فراہمی کے وعدوں اور سماجی، اقتصادی، ثقافتی اور سیاسی حقوق کے حوالے سے حکومتی اداروں کی جوابدہی میں بھی اضافہ ہوجائے ۔