Media Update: United Nations Pakistan, 30 December 2020

This Media Update includes: 

  • United Nations SECRETARY-GENERAL MESSAGE - URDU

United Nations

SECRETARY-GENERAL MESSAGE - URDU

  

سیکرٹری جنرل اقوامِ متحدہ کا سال 2021ء کے لیے ویڈیو پیغام

 

عزیز دوستو!

2020ء آزمائشوں اور سختیوں کا سال رہا۔

کووڈ-19 نے ہماری زندگیوں کو  بری طرح متاثر کیا اور اس کی وجہ سے دنیا کو دکھ اور تکالیف دیکھنا پڑیں۔

بہت سی قیمتی جانیں ضائع ہوئیں—اور یہ وباء اب بھی پھیل رہی ہے،بیماری اور موت نئی نئی شکلوں میں سامنے آ رہی ہے۔

غربت، عدم مساوات اور بھوک  بڑھ رہی ہے۔ ملازمتیں ختم ہو رہی ہیں اور قرضے بڑھ رہے ہیں۔ بچوں کو  مسائل کا سامنا کرنا پڑ رہا ہے۔

گھریلو تشدد بڑھ رہا ہے اور ہر طرف عدم تحفظ پایا جاتا ہے۔

لیکن ایک نیا سال آ رہا ہے جس کے ساتھ ہمیں امید کی کرنیں نظرآ رہی ہیں:

-        لوگ اپنے آس پاس والوں اور حتیٰ کہ اجنبی افراد کی مدد میں پیش پیش ہیں؛

-        اگلی صفوں  میں کام کرنے والے تن من دھن کی بازی لگائے ہوئے ہیں؛

-        سائنس دان قلیل ترین  مدت میں ویکسین تیار کرنے کے لیے کوشاں ہیں؛

-        ماحولیاتی تباہی سے بچاؤ کے لیے ممالک نئے عہد کر رہے ہیں۔

اگر ہم مل کر اور یگانگت سے کام کریں تو امید کی یہ کرنیں پوری دنیا پر چھا سکتی ہیں۔

سب سے مشکل ترین سال کا یہی سبق ہے۔

ماحولیاتی تبدیلی اور کووڈ-19 کی وباء ایسے بحران ہیں جن سے صرف اسی صورت میں  نمٹا جا سکتا ہے جب ہر کوئی متحد ہو جائے –تاکہ ایک پائیدار اور ہر ایک کی شرکت پر مبنی مستقبل کی طرف بڑھا جا سکے۔

2021ء کے لیے اقوام متحدہ کا  بنیادی عزم یہ ہے کہ2050ء تک کاربن سے پاک گیسوں کے اخراج کے ہدف کو حاصل کرنے کے لیے عالمی اتحاد قائم کیا جائے۔

ہر حکومت، شہر، کاروباری ادارہ اور ہر فرد اس مقصد کو حاصل کرنے کے لیے اپنا کردار ادا کر سکتا ہے۔

آئیے مل کر  ایک دوسرے کے ساتھ اور ماحول کے ساتھ امن کا رشتہ قائم کریں، ماحولیاتی بحران کا مقابلہ  کریں، کووڈ-19 کے پھیلاؤ کو روکیں اور 2021ء کو  تندرستی کا سال بنائیں۔

تباہ کن وائرس کے اثرات سے تندرستی، ٹوٹ پھوٹ کا شکار معیشتوں اور معاشروں کی تندرستی،  اور اس کرہ ارض کی تندرستی۔

نئے سال 2021ء کے لیے  ہمارایہی عزم ہونا چاہیے۔

میں اقوام متحدہ کی طرف سے آپ سب کو نئے  سال کی مبارکباد پیش کرتا ہوں۔

 

 

Video – URDU Subtitles: https://youtu.be/vPms0SAYdTg

 

Video – Clean: https://s3.amazonaws.com/downloads2.unmultimedia.org/public/video/evergreen/MSG+SG+/MSG+SG+New+Year+2021/MSG+SG+NEW+YEAR+MESSAGE+2021+CLEAN.mp4

UN entities involved in this initiative
UN
United Nations